တန်ခူးရေ ........
နေရစ်ခဲ့တော့
နှုတ်ဆက်ခဲ့တယ်
တွယ်တာလွန်းတာ သိလျက်နဲ့
လမ်းခွဲစကား ပြောရတာ
ရင်နာမိပေါ့
နောက်နှစ်တော့ ဆုံနိုင်ကောင်းရဲ့
ဆုံကြစို့။
သင်္ကြန်ရေ ...........
တကယ်က
ငါရယ် ပိတောက်ရယ် သင်္ကြန်ရယ်ဆိုတာ
ဆုံနေကြ ချစ်ခြင်းတွေပါ
ကျန်ခဲ့သူ ငါက
တနှစ်လုံးလုံး ပြန်စောင့်ပေါ့။
ပိတောက်ကိုလည်း
ပြောလိုက်ပါ
ငါမလိုက်နိုင်ခဲ့တာကို။
ငါ့လို သင်္ကြန်နဲ့ဝေး
ပိတောက်မရှိဒေသ
ရောက်နေရ သူကို
ကိုယ်ချင်းစာမိ။
လွမ်းခြင်းနဲ့သာ
တဖွဲ့တနွဲ့ ချွေးသိပ်တော့။
ပိတောက်ရေ ........
ရင်ခွင်ပျောက်ခဲ့တဲ့ ငါတို့
မင်းကလည်း ဝေဝေဆာဆာ
ငါကလည်း စည်စည်ကားကား
တန်ခူးကလည်း ပျော်ပျော်ရွှင်ရွှင်နဲ့
ခုတော့
စိတ်ကူးနဲ့ ကခုန် မြူးကြစို့။
၁၂၊ ၀၄၊ ၂၀၁၀ တနင်္လာနေ့
တန်ခူးလကွယ်။
1 comment:
နေရစ်ရပြန်ပါပေါ့ တစ်နှစ်
Post a Comment