ငါ့ကိုယ် ငါပဲ
ငါနဲ့ အဆင်မပြေတာကို
ဘေးနားက တဂျီဂျီနဲ့
အမြင်အကြား အလှမ်းကွာတာ
တူးတူးခါးခါး ခက်တယ်။
ငါတို့ဆိုရင်
နီနေတဲ့ မီးပွိုင့်
အနီအတိုင်းပဲ
ဘာထူးခြားလို့လဲ
ဘာက ဘယ်လိုဆိုတာ
မော်တော်ပီကယ်သိတယ်။
စည်းကမ်းဆိုတာ အဲ့လို။
ဓါတ်တိုင်တွေ မီးမလင်းတာ
ဓါတ်တိုင်ကပဲ သိမှာပေါ့
ငါတို့က ဘာသိမှာလဲ
အလှည့်ကျ မီးစောင့်နေရတာ
ရေအားလျှပ်စစ် ဆည်တွေပဲ သိမယ်။
သတင်းဆိုတာ
အကောင်းချည်းပဲလား?
ဒါဆို မြန်မာ့အလင်း ကြေးမုံသတင်းစာ
မြ၀တီ MRTV3, 4 စသည်
မြန်မာ့အသံ မှန်မှန်လာတဲ့အတိုင်း
ပြောပုံက အနိဋ္ဌာရုံကို
ပြည်သူတွေ စိတ်မညစ်စေချင်ဘူး။
ကောင်းပါတယ်ဆို ကောင်းတာချည်းပေါ့။
အမှန်ပြောကြည့်မယ်
သိနေထားပြီးကိုး
မနက်ဖြန်လည်း
သတင်းက အကောင်းပဲ
လာမှာသေချာတယ်။
တကယ်ပြောတာ
မယုံတာကိုက ယုံကြည်နေတာ။
ဘာမှန်းလည်း သိဘူး
လူသာ ခဏ ခဏပြောင်းတာ
မူ အကျင့်ကတော့
အရင်အတိုင်းပဲ
အရင်အတိုင်းပဲ
ကောင်းကို မကောင်းဘူး။
အဲ တမျိုးပြောကြည့်မယ်
ပြောင်းကို မပြောင်းလဲဘူး။
အဲ တမျိုးပြောကြည့်မယ်
ပြောင်းကို မပြောင်းလဲဘူး။
ပြုံးမနေနဲ့ဆို
အနေရ ခက်တယ်။
ကြည့် .........
ပြုံးနေတာကိုက။
ပြုံးနေတာကိုက။
No comments:
Post a Comment