ပို့စ်အသစ်မတင်ဖြစ်တာ ၂လခွဲကျော်ကျော်လောက်ရှိပေါ့။ ခရီးသွားစရာတစ်ခုကအိမ်ပြန်အလွမ်းပြေအဖြစ်အကြောင်း သင့်ခဲ့လေရဲ့။ လွန်ခဲ့တဲ့နှစ်ဟောင်း ၂၀၀၉ အောက်တိုဘာ ၃၀ရက်နေ့မှာ မထင်မှတ်တဲ့ နောက်ပြန် ခရီးအဖြစ် အိန္ဒိယလေကြောင်းနဲ့ အမိမြေကို ပြန်ရောက် ဖြစ်တယ်။ အေးမြမြဖြစ်စပြုနေတဲ့ အိန္ဒိယမှာ တစ်ပါတ် လောက် နေခဲ့ရလို့ အပူလှိုင်းဆိုတာ မစဉ်းစားဖြစ်ခဲ့ဘူးပေါ့။ လေ ယာဉ်ပေါ်ကဆင်း အမိမြေထဲရောက်တော့ နာဂစ်ရဲ့ နောက်ဆက်တွဲက ခပ်ပြင်းပြင်းလေး ကျီစယ်နေပေါ့ တော့ တယ်။ အဲ့ဒါကတော့ နာဂစ်လှီးခုတ်သွားတဲ့ သစ်ပင်တွေနည်းနည်းသွားတာနဲ့အတူ ပါလာတဲ့ အပူဆိုတာ ပါပဲ။ တွေ့နေရတဲ့နေရာတိုင်း တစ်ခုခု လိုနေသလို ခံစားမိတော့တယ်။
သဘာဝဆိုတော့လည်း ပူတယ် အိုက်တယ်လို့ ညည်းရုံပဲ တတ်နိုင်တာကိုး။ ကျန်တာတွေကတော့ အဆို တော် လေးဖြူ သီချင်းတစ်ပုဒ်အတိုင်းပေါ့။ အရင်လိုပါပဲ။ ရောက်ပြီး သိပ်မကြာခင်မှာ ကျောင်းထဲမှာ ခိုတွေ အများကြီးတွေ့လိုက်ပါတယ်။ အသံတွေနဲ့အတူပေါ့။ ဒါလည်း အရင်လိုပါပဲ နေမှာပါပဲ။
ပြန်ရောက်စ ရန်ကုန်မှာတော့ လျှစ်စစ်မီးကတော့ ကောင်းသားပဲ။ ဆည်ထဲမှာ ရေရှိသေးလို့ထင်ပါ့။ ၂၄နာရီ အဲဗားဆိုပါတော့။ ပြန်ခါနီးတော့ ထုံးစံအတိုင်း အရင်လိုပါပဲ။
ရန်ကုန်မှာ တပါတ်လောက်နေပြီးတော့ ရွာပြန်တော့လည်း အသက်ကြီးတဲ့ဒဏ် မခံနိုင်လို့ သေသွားတဲ့ လူကြီးတွေက လွဲလို့ အရင်လိုပါပဲ။ ညပိုင်းအပန်းဖြေ ဒိုင်နမိုမီးစက်မောင်းပြီး ဗွီဒီယိုကြည့်ကောင်းကြဆဲ။ မင်းသား မင်းသမီးတွေရှိနေမှတော့ ဖျော်ဖြေရေးယန္တယားက ခေတ်မှမတုံးဘဲကိုး။ အရင်ထက်ထူးတာက ရွာရဲ့ ရှေ့နောက်ဝဲယာ မှာတော့ လျှပ်စစ်တိုင်တွေနဲ့ ကြိုးတွေက ရွာနဲ့မဆိုင်သလိုပါပဲ။
ရွာလေးရဲ့ ရာသီဥတုကလည်း သစ်ပင်နည်းသွားတာက လွဲလို့ အရင်လိုပါပဲ။
အပြန်ခရီးမှာတော့ ဖြစ်မိတဲ့ဆန္ဒလေးနဲ့ တောင်းမိတဲ့ ဆုလေးပါ။
လူတစ်ယောက် သစ်တပင်နှုံး စိုက်ကြရင်ကောင်းမှာပဲ။ အရာအားလုံး အတွက်ပါ။
တောင်းမိတဲ့ဆုကတော့ ဆောက်ထားတဲ့ဆည်တွေအားလုံး ရေ ပေါပေါလျှံလျှံနဲ့ လျှစ်စစ်မီးထုတ်ဖြစ်ပါစေ လို့လေ။ ဒါမှ ရွာလေး လျှပ်စစ်မီး ရမှာကိုး။
ဒီလိုမှမဟုတ်ရင် မဖြစ်လာရင်တော့ ဆည်အားကိုးနဲ့ လျှပ်စစ်မီးက ရေကိုမျှော်၊ ရေက မိုးကိုမျှော်၊ မိုးက သစ်ပင်တောတောင်ကိုမျှော်၊ သစ်ပင်တောတောင်က လူတွေရဲ့ သဘာဝအရင်းအမြစ် သိတတ်မှုကိုမျှော်။
ဘာတတ်နိုင်မှာလဲ မျှော်ကြပေါ့။
No comments:
Post a Comment